Pallati i Rinisë ka kënaqësinë të mbështesë dhe të promovojë ngjarje që ruajnë kujtesën historike dhe dëshmojnë për rrugëtimin e popullit tonë.Në kuadër të ekspozitës “Ditari i një fotografi të luftës”, nderohet puna dhe guximi i fotografit Visar Kryeziu, i cili, përmes fotografive të tij, ka dokumentuar momente të rëndësishme të historisë së Kosovës dhe ua ka përcjellë brezave dëshminë e asaj kohe.Kjo ekspozitë nuk është vetëm një koleksion fotografish. Është një dëshmi e dhimbjes, qëndresës, sakrificës dhe shpresës së një populli.Faleminderit, Visar, që përmes objektivit tënd historia jonë vazhdon të flasë.Pallati i Rinisë – Prishtinë